Mario Balotelli, leikmaður Brescia, fékk að líta rauða spjaldið í 2-2 jafntefli við Cagliari í gær.
Balotelli er ansi litríkur karakter en hann kom inná sem varamaður í fyrsta leik Birkis Bjarnasonar.
Birkir var að spila sinn fyrsta leik fyrir Brescia og kom inná í seinni hálfleik í jafnteflinu.
Balotelli kom einnig inná í seinni hálfleik en hann entist í aðeins sjö mínútur á vellinum.
Sóknarmaðurinn fékk tvö gul spjöld með stuttu millibili og var réttilega rekinn í sturtu af dómara leiksins.
