Leikmenn Manchester City buðu 22 ofurfyrirsætum í gleðskap sinn um helgina, partýið var haldið eftir 6-1 sigur á Aston Villa á sunnudag, í ensku úrvalsdeildinni.

Leikmenn City héldu ekkert jólapartý en fengu að gera sér glaðan dag á Mere Golf hótelinu í Knutsford um helgina.

22 fyrirsætum var flogið til Mancehster til að vera með í partýinu, kærustur og eiginkonur leikmanna voru ekki velkomnar. Samkvæmt Daily Mail voru þær ekki meðvitaðir um að fyrirsæturnar yrðu með í partýinu.

Nú segja ensk blöð að ein stjarna City hafi fengið hárblásara frá eiginkonu sinni þegar hann mætti heim, hann er ekki nafngreindur en sagt er að hann hafi komið heim klukkan 07:00 á mánudagsmorgun.

,,Eiginkona hans var gjörsamlega brjáluð, hann kom heim seint og var í slæmu ástandi. Hún vissi að hann var að fara að skemmta sér en vissi ekki að hægt væri að vera úti á lífinu til 07:00,“ sagði heimildarmaður enskra blaða.

Mirror segir að stemmingin sé ekki betra í dag eftir að upp komst að ofurfyrirsætur voru boðaðar á svæðið.