Matteo Darmian, leikmaður Parma, hefur þakkað tveimur knattspyrnustjórum fyrir tíma sinn á Englandi.
Darmian var seldur frá Manchester United í sumar en hann lék þar í fjögur ár og spilaði 92 leiki.
Darmian þakkar Louis van Gaal og Jose Mourinho fyrir tíma sinn hjá United en nefnir ekki Ole Gunnar Solskjær.
Solskjær er sá stjóri sem ákvað að selja Darmian en Ítalinn var aldrei inni í myndinni eftir hans komu.
,,Van Gaal og Mourinho voru frábærir þjálfarar. Þeir hafa unnið mikið og þið þekkið þá,“ sagði Darmian.
,,Þeir eru tveir frábærir stjórar sem skildu jákvæða hluti eftir sig og ég vil þakka þeim fyrir.“