Kári Árnason, landsliðsmaður, gat verið sáttur í kvöld eftir öruggan sigur á Moldóva í undankeppni EM.
Kári og félagar héldu hreinu í vörninni en eftir slaka byrjun þá tók íslenska liðið við sér og vann sannfærandi.
,,Það ætlast allir til í þessari stöðu að við vinnum svona leiki en það er erfitt að vinna 3-0, það eru frábær úrslit,“ sagði Kári.
,,Við byrjum mjög illa, það var eitthvað ryð í mönnum og þeir sýndu alveg að þeir eru hættulegir en án þess að skapa sér eitthvað færi.“
,,Við spilum mjög þéttan varnarleik. Það voru nokkur skipti sem við brutum klaufalega og við tölum um það fyrir leik og í hálfleik að þeir væru líklegir í föstum leikatriðum, ekki að reyna að ná boltanum þegar við eigum ekki séns í hann.“
