Aðeins er rúmar þrjár vikur eftir af Pepsi Max-deild karla, mörg félög skoða nú uppskeru sumarsins og velta fyrir sér næstu skrefum. Ljóst er að einhverjar breytingar verða í þjálfaramálum.
Háværar sögusagnir heyrast nú viða, þær sögur hafa heyrst meira og meira eftir að Morgunblaðið greindi frá því að Heimir Guðjónsson væri á heimleið. Heimir er einn besti þjálfari í sögu efstu deildar á Íslandi. Morgunblaðið greindi frá því að Heimir myndi hætta með HB í Færeyjum, í október.
Þrátt fyrir að þjálfarar séu með samning við félög eru flestir með ákvæði í honum, sem gerir félaginu og þjálfaranum kleyft að rifta honum fyrir 15 október.
Valur:
Síðustu daga og vikur hefur nafn Heimis mest verið orðað við þjálfarastöðuna á Hlíðarenda, þar situr við stýrið í dag, Ólafur Jóhannesson. Gengi Vals hefur verið slakt í sumar, Ólafur hefur hins vegar komið Val aftur á meðal bestu liða landsins. Fjórir titlar á fjórum árum, þar á undan.
Ólafur greindi frá því um helgina að hann myndi ræða við Val í gær um framtíð sína, ekki hefur náðst á Ólaf eða stjórnarmenn Vals í dag og í gær, þrátt fyrir ítrekaðar tilraunir. Heimir þekkir það að taka við góðu búi af Ólafi, það gerði hann hjá FH árið 2007.
Margir telja að Ólafur haldi áfram með Val en aðrir eru á því að stjórn Vals, sem oft hefur tekið stórar ákvarðarnir vilji breytingar.
Breiðablik:
Fyrir nokkrum vikum fóru af stað háværar sögusagnir um að Breiðablik ætlaði að skipta Ágústi Gylfasyni út, hann veit af sögunum en er að sigla Blikum í annað sætið, annað árið í röð. Óskar Hrafn Þorvaldsson sem er að koma Gróttu upp í Pepsi Max-deildina er orðaður við starfið, sem og Heimir. Heimir var hænuskrefi frá því að taka við Blikum árið 2014, hann hætti við á síðustu stundu og hélt áfram með FH.
Stjarnan:
Síðustu daga hefur gróa á leiti flogið um Garðabæinn, þar er framtíð Rúnars Páls Sigmundssonar mikið rædd. Einn aðili úr Garðabænum taldi það líklegra en ekki að Rúnar myndi láta af störfum. Hann hefur unnið magnað starf í Garðabænum frá árinu 2013. Liðið varð Íslandsmeistari árið 2014 í fyrsta sinn og bikarmeistari í fyrsta sinn í fyrra. Eins og við önnur stór störf er nafn Heimis Guðjónssonar þar nefnt til sögunnar.
Fylkir:
Einnig hefur leigubíllinn komið við í Árbænum, þar er sagt að stjórn Fylkis skoði nú hvort Helgi Sigurðsson sé rétti maðurinn til að leiða Fylki áfram. Ólafur Ingi Skúlason er nefndur sem arftaki hans, verði breytingar í Árbænum.
Þá er ekki útilokað að Grindavík og KA skoði sín mál, þá mun ÍBV þurfa að finna sér nýjan þjálfara til framtíðar.