Uli Hoeness, forseti Bayern Munchen, hefur hent góðri pillu á Marc-Andre ter Stegen, markvörð Barcelona.
Ter Stegen opnaði sig í viðtali á dögunum og heimtaði að fá fleiri leiki með þýska landsliðinu.
Hoeness segir að það sé hins vegar kjaftæði og að hans maður hjá Bayern, Manuel Neuer, eigi skilið að fá að spila.
,,Þetta er brandari. Það er ekki í lagi hvernig fjölmiðlarnir í Munich tóku á þessu,“ sagði Hoeness.
,,Fjölmiðlar vestur Þýskalands styðja Marc Andre gríðarlega, eins og hann væri búinn að vinna 17 HM.“
,,Ég sé ekki sama stuðning frá suður Þýskalandi fyrir Manuel. Það er ekki í lagi að henda þessu á almenning.“
,,Hann á engan rétt á að spila. Það er öðruvísi fyrir markmenn því það er ekki hægt að skipta þessu á milli þeirra alla daga.“
