Romelu Lukaku hefur byrjað feril sinn hjá Inter með ágætum, hann hefur hins vegar náð að gera einn liðsfélaga sinn alveg brjálaðan.

Lukaku og Marcelo Brozovic rifust harkalega í vikunni og þurfti að fara á milli þeirra, svo höggin færu ekki að fljúga þeirra á milli.

Lukaku gagnrýndi Brozovic harkalega í klefanum eftir 1-1 jafntefli við Slavía Prag í Meistaradeildinni. Hann sagði miðjumanninn frá Króatíu ekki fylgja leikplani Antonio Conte, og að hann væri að missa boltann alltof oft.

Brozovic svaraði fyrir sig og minnti Lukaku á það að hann hefði klikkað á dauðafæri, í uppbótatíma. Sem hefði getað tryggt Inter sigur.

Þá sauð allt upp úr og Alexis Sanchez, sóknarmaður Inter fór á milli þeirra svo ekki yrðu harkalega slagsmál.