Fanndís Friðriksdóttir skoraði eina mark Vals um helgina er liðið mætti Breiðablik í Pepsi Max-deild kvenna.
Fanndís kom Val yfir í fyrri hálfleik og hefði það mark dugað liðinu til að tryggja meistaratitilinn.
Blikar jöfnuðu hins vegar í uppbótartíma og þurfa Valsstúlkur að bíða – þær grænu eiga þó enn smá möguleika.
Fanndís er fyrrum leikmaður Breiðabliks en hún ákvað að semja við Val eftir stutt stopp í atvinnumennsku.
Stuðningsmenn Breiðabliks tóku ekki vel í þá ákvörðun og var baulað á Fanndísi í leiknum um helgina.
Margir segja að það sé fyrir neðan allar hellur að baula á Fanndísi sem var frábær fyrir Val á sínum tíma.
Það var rætt um þetta mál í hlaðvarpsþættinum Dr. Football í dag þar sem Hjörvar Hafliðason, Mikael Nikulásson og Kristján Óli Sigurðsson töluðu sín á milli.
Mikael er á því máli að það sé ekkert að því að baula á Fanndísi sem fékk eflaust betri laun hjá Val en hjá Blikum.
,,Er þetta bara því þetta er í kvennabolta? Er ekki allt í lagi að púa aðeins á hana þarna?“ sagði Mikael.
,,Hún fór ekki í Breiðablik, hún tók seðlana fram yfir á Hlíðarenda. Reyndar að fara að taka titilinn. Breiðablik vann í fyrra og þá var hún í Val.“
,,Þeir eru bara ósáttir með það, helstu stuðningsmenn Blika að hún hafi tekið seðlana fram yfir hjartað.“
