Gareth Bale, leikmaður Real Madrid, gaf það út nýlega að hann væri ekki ánægður hjá félaginu.
Bale er á því máli að honum sé kennt um slæmt gengi Real og það sem fer úrskeiðis hjá félaginu.
Zinedine Zidane, stjóri Real, var spurður út í þessi ummæli Bale á blaðamannafundi í gær.
Hann er ósammála því að einhver sé að kenna Bale um og að það sé allt liðið sem skipti máli.
,,Nei ég er ekki sammála. Við erum allir sökudólgar ef hlutirnir ganga ekki upp eða ef þeir ganga upp,“ sagði Zidane.
,,Við erum allir í sama bát. Við viljum breyta hlutunum þegar það gengur ekki vel. Við hugsum sem lið.“