Það muna margir eftir framherjanum Pablo Osvaldo sem gerði það gott í Evrópu á sínum tíma.
Osvaldo ákvað að leggja skóna á hilluna árið 2016 aðeins 30 ára gamall eftir stutta dvöl hjá Boca Juniors.
Osvaldo ákvað í kjölfarið að reyna fyrir sér í tónlist en hann nennti ekki að sinna fótboltanum af fullum krafti. Hann hafði meiri áhuga á reykingum og áfengi.
Nú er hins vegar talað um að Osvaldo ætli að snúa aftur og gera stuttan samning við Gimnasia í Argentínu.
Ástæðan er sú að Diego Maradona er nú búinn að taka við Gimnasia og hann þekkir Osvaldo vel.
Osvaldo er 33 ára gamall í dag en hann á að baki leiki fyrir Roma, Juventus og Inter Milan.