Hörður Magnússon, einn vinsælasti íþróttafréttamaður landsins virðist hafa fengið nóg af þeim viðbjóði sem oft er á samfélagsmiðlum.
,,Enn og aftur fá fársjúkir einstaklingar hljómgrunn hér á þessu forriti. Trúlega er kominn tími að kanna sína réttarstöðu,“ skrifaði Hörður á Twitter seint í gærkvöldi.
Ástæðan fyrir færslu Harðars, má rekja til þess að hann birti saklausa spá um ensku úrvalsdeildina á Facebook í gær. Enska úrvalsdeildin í fótbolta hefst um næstu helgi. Hörður hefur nú fjarlægt þá færslu, eftir mikið af ljótum færslum, á samfélagsmiðlum.
Spá Harðar vakti nokkra athygli og mikil umræða skapaðist um hana, hann spáði þar Liverpool sigri í deildinni en að Manchester United myndi enda í sjöunda sæti, margir virðast hafa orðið reiðir vegna þess.
Arnar Eggertsson skrifar meðal annars. ,,Þetta er svo snarbrenglað Poolara eintak þessi manndjöfull, segðu mér að það sé einhver fyrir löngu búinn að skalla þetta gerpi?.“
Sonur Harðars, Magnús Haukur benti á þetta á Twitter. ,,Hér sjáum við mjög svo vel gefinn einstakling tala til föður míns sem dirfðist til að spá LFC sætir nr 1 og Man Utd sæti nr 7 fyrir komandi tímabil.“
Spáin sem vakti þessa miklu reiði má sjá hér að neðan.
Maður getur fyrirgefið svona vitleysu um Verslunarmannahelgina #Skál #Blackout pic.twitter.com/5tAEVBYFyv
— Kristján Óli Sigurðsson (@kristjanoli) August 4, 2019
Enn og aftur fá fársjúkir einstaklingar hljómgrunn hér á þessu forriti. Trúlega er kominn tími að kanna sína réttarstöðu. #Libel
— Höddi Magg (@HoddiMagnusson) August 4, 2019
Internetið gleymir ekki pic.twitter.com/mjcjGog9rW
— Magnús Haukur (@Maggihodd) August 4, 2019
