Jurgen Klopp, stjóri Liverpool er litríkur karakter og fer oft aðrar leiðir en flestir myndu gera. Þannig greindi Georginio Wijnaldum frá því að hann hafi haldið ræðu fyrir úrslitaleik Meistaradeildarinnar, á nærbuxunum.
Um er að ræða úrslitaleik Meistaradeildarinnar árið 2018, sem Liverpool tapaði gegn Real Madrid. Klopp hélt þá ræðu kvöldið fyrir leik í nærbuxum frá Cristiano Ronaldo, sem þá var stjarna Real Madrid. Hann hafði troðið sokkum inn á nærbuxurnar til að virka með stærri getnaðarlim. ,,Við sáum að hann var í nærbuxum frá Ronaldo,“ sagði Georginio Wijnaldum þegar hann rifjar upp atvikið.
Klopp hefur nú rætt þessa sögu og segir frá því hvernig þetta atvikaðir. ,,Þetta er satt, fyrir nokkrum árum þá vantaði mig nærbuxur. Ég greip Ronaldo brækurnar þá,“ sagði Klopp.
,,Ég á þær enn en ég hef reyndar ekki farið í þær síðan í úrslitaleiknum árið 2018.“
Klopp segist hafa ákveðið það löngu fyrir leikinn að klæðast nærbuxum frá Ronaldo.
,,Ég hefði ákveðið þetta og á æfingu fyrir leikinn þá togaði ég þær lengst upp, það var mjög fyndið.“
