Gary Cahill, fyrrum fyrirliði Chelsea, hefur tjáð sig um erfitt ár hjá félaginu en hann fór annað í sumar.

Cahill gerði samning við Crystal Palace en hann fékk ekkert að spila með Chelsea á síðustu leiktíð.

Maurizio Sarri var stjóri Chelsea og notaði Cahill í 22 mínútur í ensku úrvalsdeildinni.

,,Ég held að það hafi verið hægt að sjá hvernig þetta var utan frá,“ sagði Cahill við Sky Sports.

,,Þetta er eitthvað sem ég vildi ekki venjast. Ég hef alltaf spilað stórt hlutverk á hverju tímabili hjá félaginu svo þetta var öðruvísi.“

,,Ég er búinn að eyða þessu af ferilskránni. Þetta var hörmulegt ár en ég mun ekki muna eftir því hjá Chelsea.“

,,Ég mun muna eftir öllum öðrum tímabilum og þeim árangri sem við náðum. Ég var alltaf að fara að yfirgefa félagið. Sérstaklega þegar þessi þjálfari var þarna.“

Enski boltinn á 433 er í boði