Knattspyrnumenn og annað íþróttafólk getur misst stjórn á skapi sínu í hita leiksins. Oft verða slagsmál út af engu.
Mörg fræg atvik hafa átt sér stað á síðustu árum í fótboltanum sem vert að rifja upp.
Hér að neðan er farið yfir frægustu slagsmál fótboltans síðustu árin.
NEYMAR VS SEMEDO
Á sinni fyrstu æfingu með Barcelona ætlaði Nelson Semedo að sanna ágæti sitt, í upphafi æfingar var hann hins vegar niðurlægður. Neymar klobbaði hann hressilega, Semedo var ósáttur og réðst á Neymar. Það tókst að rífa þá í sundur en Neymar varð vitlaus, og rauk af æfingunni.
CARROLL VS TAYLOR
Árið 2010 var Carroll að hætta með kærustu sinni, hann komst að því nokkru síðar að liðsfélagi hans Steven Taylor var byrjaður að senda henni skilaboð. Carroll var brjálaður og réðst á Taylor á æfingasvæðinu, hann hamraði Taylor í andlitið. Það varð til þess að Taylor lék ekki meira á tímabilinu. Ekkert var gert í málinu og stuðningsmenn Newcastle fögnuðu aðgerðum Carroll.
HARTSON VS BERKOVIC
Árið 1998 voru John Hartson og Eyal Berkovic á æfingu hjá West Ham. Þeir voru ósáttir með hvorn annan, Berkovic ákvað að kýla Hartson, sá varð alveg vitlaus og sparkaði í andlit Berkovic. Hartson fékk sekt upp á 3 milljónir og þriggja leikja bann.
LJUNBERG VS MELBERG
Olof Mellberg gerði allt vitlaust á æfingu Svía á HM 2002, hann sparkaði hressilega í Freddie Ljungberg sem varð brjálaður. Hann réðst á Melberg sem tók hann hálstaki, fljótlega tókst að stoppa þá félaga.
BALOTELLI VS MANCINI
Mancini reyndi eins og hann gat að ráða við Mario Balotelli en gafst alveg upp á endanum. Balotelli var stjórnlaus og er enn í dag, í eitt sinn fékk Mancini nóg á æfingu Manchester City og fór að rífa í Balotelli. Magnað atvik.
IBRAHIMOVIC VS ONYEWU
Á æfingu hjá AC Milan varð allt vitlaust, Zlatan er stór og sterkur en það er Oguchi Onyewu líka. Þeir fóru að slást á æfingu. ,,Þetta var upp á líf og dauða,“ sagði Zlatan í ævisögu sinni.
,,Ég skallaði hann, hann réðst á mig. Við fórum í jörðina og vorum að kýla hvorn annnan.“
Á endanum var Zlatan með brotið rifbein en Oguchi Onyewu var seldur frá félaginu.
BARTON VS DABO
Það var á æfingu Manchester City sem allt sauð upp úr. Ousmane Dabo ákvað að ýta Joey Barton, sem er tæpur í skapinu. Barton kýldi Dabo nokkuð oft í andlitið og varð Dabo illa farin í andlitinu.
