Mesut Özil leikmaður Arsenal er hræddur þessa dagana, ráðist var á hann með hníf á dögunum. Þar slapp Özil eftir að liðsfélagi hans, Sead Kolasinac barðist á móti tveimur vopnuðum mönnum.
Özil hafði ekki farið út úr húsi síðan á föstudag, hann yfirgaf hús sitt í dag en tveir öryggisverðir voru með honum í för. Þeir fóru með Özil í bílferðina sem hann fór. Verðirnir eru með Özil öllum stundum.
Özil og Kolasinac voru ekki með Arsenal um helgina vegna málsins, félagið óttast um öryggi þeirra.
Árásin átti sér stað í London en síðan þá hafa fleiri atvik komið upp, óttast er um öryggi Özil og Kolasinac. Arsenal óttast að öryggi þeirra verða ekki tryggt í bráð, að þeir félagar spili ekki næstu leiki vegna málsins.
Özil býr í Hampstead Heath hverfinu í London en þar í dag er mikil öryggisgæsla, allan sólarhringinn.
Ekki er um að ræða venjulega gæslu, um er að ræða menn með hunda sem vakta hús Özil. Þeir sjá til þess að glæpagengið sem reynir að herja á Özil, komist ekki nálægt honum.
