Það vakti athygli þegar Khalid Boulahrouz skrifaði undir samning við Chelsea árið 2006.
Boulahrouz var hollenskur landsliðsmaður en hann spilaði í bakverði og lék á Stamford Bridge í tvö ár.
Það var ansi sérstakt að Boulahrouz klæddist treyju númer níu sem er afar óvenjulegt fyrir varnarmann.
Boulahrouz ræddi í dag af hverju hann var númer níu og var Jose Mourinho, stjóri liðsins, einnig undrandi á því vali.
,,Það var alltaf minn draumur að gerast framherji fyrir topplið, ég hugsaði að ég gæti kannski látið það gerast með þessu!“ sagði Boulahrouz.
,,Nei, ég kom bara þangað og þetta gerðist allt svo fljótt. Keppnin var nú þegar byrjuð og tveimur dögum fyrir leik gegn Middlesbrough þá krotaði e´g undir.“
,,Einum degi fyrir leik þá var ég löglegur. Ég þurfi að velja númer og búningastjórinn byrjaði að telja upp frá níu.“
,,Hann hélt áfram og nefndi 45 og 47… Ég hugsaði að ég myndi ekki nota þannig númer og sagði honum að láta mig fá níuna.“
,,Á leikdegi þá spurði Mourinho mig af hverju ég hafði valið númerið níu. Ég sagði við hann að mig langaði ekki að nota hátt númer eins og 47 eða 49.“
,,Hann sagði við mig að tvisturinn væri líka laus. Ég hugsaði bara: ‘Guð minn góður, hvað er ég að gera? Ég býst við að búningastjórinn hafi leitt mig í gildru.’