Maurizio Sarri, nýr þjálfari Juventus ætlar sér að ná Cristiano Ronaldo strax á sitt band. Sarri tók við starfinu í síðustu viku.
Ronaldo er stjarna liðsins og er Sarri meðvitaður um að hann þarf að eiga í góðu sambandi við Ronaldo.
Ronaldo er nú að slaka á eftir langt og erfitt tímabil. Hann er á snekkju í Suður-Frakklandi.
Sarri gerði sér ferð þangað til að heimsækja Ronaldo, ræða hugmyndir sínar og hvernig hann sér liðið.
Sagt er að Sarri hafi komið á snekkju Ronaldo þar sem þeir ræddu saman um komandi tímabil, draumur Juventus er að ná árangri í Meistaradeildinni.