Í dag var greint frá því að Ravel Morrison væri farinn frá liði Ostersunds í Svíþjóð eftir aðeins fjóra mánuði.
Morrison var fenginn til félagsins fyrr á árinu og er talinn hafa verið lang launahæsti leikmaður liðsins.
Morrison er fyrrum vonarstjarna en hann var einn allra efnilegasti leikmaður Manchester United á sínum tíma.
Talað var um það í dag að Morrison hefði pakkað niður og farið í sumarfrí, að hann hafi ekki verið í neinu sambandi við félagið.
Morrison neitar hins vegar þeim fregnum að hann hafi bara látið sig hverfa en hann gaf út stutta tilkynningu í kvöld.
,,Samningur minn við Ostersunds er búinn. Ég labbaði ekki bara burt,“ skrifar Morrison.
,,Ekki hlusta á allar þessar lygar komandi frá örvæntingafullu fólki sem býr til sögu úr öllu.“
,,Ég hef náð að halda mig frá neikvæðri umfjöllun í mörg ár. Látið mig í friði.“