fbpx
Þriðjudagur 18.júní 2019
433Sport

Plús og mínus: Stór hluti þjóðarinnar vildi reka Hamren sem brosir nú

Hörður Snævar Jónsson
Þriðjudaginn 11. júní 2019 20:37

Ekki missa af Helstu tíðindum dagsins í pósthólfið þitt

Lesa nánar

Íslenska karlalandsliðið vann gríðarlega mikilvægan sigur í kvöld er við spiluðum við Tyrki í undankeppni EM.

Ísland þurfti í raun á sigri að halda í leik kvöldsins til að minnka bilið í baráttunni um efstu tvö sæti riðilsins. Ísland mætti sterkt til leiks á Laugardalsvelli og var staðan fljótt orðin 2-0 fyrir strákunum.

Ragnar Sigurðsson gerði bæði mörk Íslands eftir fast leikatriði með stuttu millibili og staðan 2-0 í fyrri hálfleik. Undir lok hálfleiksins minnkuðu Tyrkir svo muninn með skalla eftir hornspyrnu og staðan í leikhléi 2-1.

Það var rólegra yfir leiknum í seinni hálfleik þar sem engin mörk voru skoruð og lokatölur 2-1 fyrir okkar mönnum. Ísland er nú með jafn mörg stig og Frakkar og Tyrkir en með verri markatölu í þriðja sæti riðilsins

Plús og mínus er hér að neðan.

Plús

Það er magnað hversu góðu Ragnar Sigurðsson er að þefa upp marktækifæri á fjærstöngina, Sykurinn kann þetta betur en nokkur.

Jón Daði Böðvarsson gefur íslenska landsliðinu ótrúlega mikið í þessu formi, hann opnar svæði, heldur bolta og allt það sem íslenska landsliðið vill frá fremsta manni. Hann gerir okkar bestu menn svo betri með sinni skítavinnu.

Það er mjög jákvætt fyrir Erik Hamren að sjá að Hjörtur Hermansson er meira en klár í að taka stöðu hægri bakvarðar, mun bara verða betri í þeirri stöðu.

Íslenskir áhorfendur eiga hrós skilið fyrir sína frammistöðu í kvöld, hjálpuðu liðinu yfir línuna.

Birkir Bjarnason átti sinn besta landsleik í tæp tvö ár, íslenska liðið þarf á Birki að halda í svona gír. Vonandi fær hann tækifæri hjá Aston Villa eða finnur sér nýtt lið, við þurfum á því að halda.

Það er galið ef Kári Árnason ætlar að koma heim í Pepsi Max-deildina, hann þarf að taka ár til viðbótar úti. Ef Ísland fer á EM 2020, þá verður Kári að vera í toppformi.

Sigurinn er sætur fyrir Erik Hamren, stór hluti íslensku þjóðarinnar vildi í raun reka hann í haust. Hamren hefur staðist öll raunhæf próf í undankeppni EM, sá sænski gefur ekkert eftir og brosir sínu breiðasta.

Staða Íslands er góð eftir fjóra leiki, liðið hefur níu stig líkt og Tyrkir og Frakkar. Haustið verður afar spennandi.

Mínus:

Það er óþarfi að leyfa Tyrkjum að skora úr föstu leikatriði, maður á fjærstöng í þessu tilfelli hefði bara sparkað boltanum í burtu.

Það er slæmt að geta ekki spilað við Tyrki í hverjum leik, við elskum að pakka þeim saman. Fjórði sigurinn í fimm leikjum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Sjáðu myndina: Ástæða þess að Sarri er ekki vinsæll hjá Juventus

Sjáðu myndina: Ástæða þess að Sarri er ekki vinsæll hjá Juventus
433Sport
Í gær

Myndir: Ramos gifti sig á Spáni í gær – Beckham hjónin mættu

Myndir: Ramos gifti sig á Spáni í gær – Beckham hjónin mættu
433Sport
Fyrir 2 dögum

Kompany gefur fyrrum liðsfélaga annað tækifæri: Rekinn vegna eineltis

Kompany gefur fyrrum liðsfélaga annað tækifæri: Rekinn vegna eineltis
433Sport
Fyrir 2 dögum

Pogba staðfestir tíðindin: Vill burt frá Manchester United í sumar

Pogba staðfestir tíðindin: Vill burt frá Manchester United í sumar
433Sport
Fyrir 2 dögum

Landsliðsvalið kom Birki á óvart: ,,Það var hundleiðinlegt“

Landsliðsvalið kom Birki á óvart: ,,Það var hundleiðinlegt“
433Sport
Fyrir 2 dögum

Pedro kvartar undan vinnuálagi leikmanna: ,,Stórt mót í Eyjum og allir vinna þar“

Pedro kvartar undan vinnuálagi leikmanna: ,,Stórt mót í Eyjum og allir vinna þar“
433Sport
Fyrir 3 dögum

Fær ekki starf því hann hraunaði yfir allt og alla: ,,Bara stríðsmaður á lyklaborðinu“

Fær ekki starf því hann hraunaði yfir allt og alla: ,,Bara stríðsmaður á lyklaborðinu“
433Sport
Fyrir 3 dögum

Segja að Klopp sé tilbúinn að fórna Salah: Vill fá þennan í staðinn

Segja að Klopp sé tilbúinn að fórna Salah: Vill fá þennan í staðinn