Víðir Sigurðsson, vill gömlu tímana aftur. Hann segir það tóma vitleysu að spjöld í deildar og bikarkepppni, á Íslandi, telji ekki lengur saman. Þessu var breytt á síðasta ári.

Núna geta leikmenn brotið gróflega af sér í bikarnum, fengið rautt spjald. Leikmaður má hins vegar spila næsta deildarleik.

,,Hvernig datt mönn­um í hug að breyta aga­regl­un­um í fót­bolt­an­um á þá leið að refs­ing­ar fyr­ir gul og rauð spjöld í bik­ar­keppni karla og kvenna væru bara tekn­ar út í bik­ar­keppn­inni sjálfri en ekki næsta leik á Íslands­mót­inu?,“ skrifar Víðir í Bakverði Morgunblaðsins

,,Þessi regla er nú í gildi annað árið í röð og ég sé ekki annað en þetta sé tóm vit­leysa.“

Víðir bendir á að flest af þeim leikbönnum sem menn fara í, verði aldrei tekinn út. ,,Stærst­ur hluti leik­banna verður aldrei tek­inn út þar sem gul spjöld fyrn­ast á milli ára, en þeir sem fá rautt spjald í bikarleik geta þurft að bíða í heilt ár eða jafn­vel leng­ur eft­ir því að taka út bannið. Í ein­hverj­um til­vik­um taka þeir það jafn­vel aldrei út því þeir geta verið hætt­ir fót­boltaiðkun þegar að því kem­ur!

,,Ef leikmaður er semsagt rek­inn af velli í bikarleik, og lið hans tap­ar og fell­ur úr keppni, tek­ur hann bannið út í fyrsta bikarleik á næsta ári. Hann gæti fengið spjaldið í fyrstu um­ferð í kring­um 10. apríl og þurft að taka út bannið í leik í 32ja liða úr­slit­um 1. júní á næsta ári. Fái hann tveggja leikja bann gæti hann þurft tvö ár til að afplána refs­ing­una!“

,,Leikmaður sem ætl­ar að hætta að tíma­bili loknu get­ur í raun brotið af sér að vild í sín­um síðasta bikarleik og síðan spilað næstu leiki í deild­inni eins og ekk­ert hafi í skorist.“

Pepsi Max deildin á 433 er í boði