Manchester City er Englandsmeistari annað árið í röð eftir sannfærandi sigur á Brighton í lokaumferðinni í gær. City lenti óvænt undir á Amex vellinum en fagnaði að lokum öruggum 4-1 sigri og endar á toppnum með 98 stig.
Liverpool vann sinn leik gegn Wolves á sama tíma og endar í öðru sæti deildarinnar með 97 stig, einu stigi á eftir City.
Á sama tíma tapaði Manchester United fyrir Cardiff, liðið endaði þar með hræðilegt tímabil í sjötta sæti.
Stuðningsmenn United eru búnir að fá nóg af meðalmennsku félagsins, síðustu ár. Félagið vill breytingar í sumar.
Ef marka má stuðningsmenn félagsins þá vilja þeir losna við þrjá leikmenn í sumar, könnun var gerð og vilja flestir losna við Ashley Young, Phil Jones og Chris Smalling.
Allir þessir þrír leikmenn fengu nýjan samning í vetur en hafa verið í stóru hlutverki í þessari meðalmennsku.