Kvennalið Manchester United fagnaði sigri í næst efstu deild á Englandi í dag er liðið mætti Crystal Palace á heimavelli.
Lið United hefur verið óstöðvandi á þessu tímabili og hefur aðeins tapað einum leik.
Liðið hafði nú þegar tryggt sér sæti í efstu deild fyrir næsta tímabil en gulltryggði titilinn með 7-0 sigri í dag.
United hefur spilað 18 leiki og 16 af þeim hafa unnist. Markatala liðsins er 88:7 sem er mögnuð tölfræði.
Þetta er fyrsta tímabil kvennaliðs United í heil 13 ár en liðið var endurstofnað fyrir þessa leiktíð.