A-landslið karla hefur ráðið inn nýjan styrktarþjálfara, sá heitir Tom Joel og starfar hjá Leicester City á Englandi.
Joel hefur starfað lengi hjá Leicester og var hluti af starfsliðinu í kringum sigur liðsins í ensku úrvalsdeildinni árið 2016.
Sebastian Boxleitner hefur sinnt þessu starfi en fékk ekki lengri samning hjá sambandiunu og var látinn fara í síðasta mánuði.
Joel hefur starfað með aðalliði Leicester frá árinu 2014 og mun nú sinna starfinu ásamt því að vinna með strákunum okkar.
Joel kom sér í fréttirnar árið 2017 er hann var ákærður af UEFA eftir leik Leicester í Meistaradeildinni.
Hann var rekinn upp í stúku í 1-0 tapi Leicester gegn Atletico Madrid en hann var of líflegur á hliðarlínunni er hann reyndi að koma vatni til vængmannsins Marc Albrighton.
Joel var kominn inn á helming Atletico á hliðarlínunni og var rekinn upp í stúku af dómaranum Jonas Eriksson.
,,Ég vissi af þessu,“ sagði Erik Hamren, landsliðsþjálfari í samtali við 433.is og glotti við tönn.