Arsenal 1-2 Brighton
0-1 Adam Webster(36′)
1-1 Alex Lacazette(50′)
1-2 Neal Maupay(80′)
Það gengur einfaldlega ekkert hjá Arsenal í dag en liðið hefur leikið níu leiki án sigurs.
Arsenal fékk Brighton í heimsókn í ensku úrvalsdeildinni í kvöld og þurfti að sætta sig við tap.
Unai Emery var rekinn frá Arsenal í síðustu viku og stýrir Freddie Ljungberg liðinu þessa stundina.
Brighton gerði sér lítið fyrir og vann 2-1 útisigur á Emirates og var alls ekki lakari aðilinn í leiknum.
Eina mark Arsenal gerði Alexandre Lacazette en Neal Maupay tryggði Brighton sigur með góðum skalla.
Arsenal er í 10. sæti deildarinnar, tíu stigum frá Chelsea sem er í fjórða sæti.
