Það var boðið upp á fjör í ensku úrvalsdeildinni í kvöld en fimm leikir voru að klárast rétt í þessu.
Stórleikur kvöldsins var á Old Trafford þar sem Tottenham kom í heimsókn undir stjórn Jose Mourinho.
Mourinho er fyrrum stjóri United en hann þjálfaði liðið í tvö og hálft ár áður en hann var rekinn í desember í fyrra.
Marcus Rashford er að spila vel þessa dagana en hann gerði tvennu í kvöld er United vann 2-1 sigur.
Dele Alli jafnaði metin í 1-1 fyrir gestina undir lok fyrri hálfleiks eftir fyrra mark Rashford sem kláraði svo leikinn úr vítaspyrnu í seinni hálfleik.
Sigurinn lyftir United upp í sjötta sæti deildarinnar og er liðið einu stigi á undan Tottenham sem situr í því áttunda.
Chelsea vann heimasigur eftir tvö töp í röð en liðið mætti Aston Villa á Stamford Bridge.
Tammy Abraham mætti aftur í byrjunarlið Chelsea eftir meiðsli og kom liðinu yfir í fyrri hálfleik.
Egyptinn Trezeguet jafnaði svo metin fyrir Villa áður en Mason Mount skoraði sigurmark Chelsea með frábæru viðstöðulausu skoti á lofti.
Wolves situr í fimmta sæti deildarinnar eftir sigur á West Ham. Leon Dendoncker og Patrick Cutrone gerðu mörk Wolves.
Southampton vann þá mikilvægan 2-1 sigur á Norwich og Jamie Vardy skoraði enn eitt markið í 2-0 sigri Leicester á Watford – James Maddison komst einnig á blað.
Manchester United 2-1 Tottenham
1-0 Marcus Rashford(6′)
1-1 Dele Alli(39′)
2-1 Marcus Rashford(víti, 49′)
Chelsea 2-1 Aston Villa
1-0 Tammy Abraham(24′)
1-1 Trezeguet(41′)
2-1 Mason Mount(48′)
Leicester 2-0 Watford
1-0 Jamie Vardy(víti, 55′)
2-0 James Maddison(95′)
Southampton 2-1 Norwich
1-0 Danny Ings(22′)
2-0 Ryan Bertrand(43′)
2-1 Teemu Pukki(65′)
Wolves 1-0 West Ham
1-0 Leon Dendoncker(23′)
Enski boltinn á 433 er í boði 
