Joshua Bohui, fyrrum efni Manchester United, ákvað að yfirgefa félagið vegna Jose Mourinho á sínum tíma.
Mourinho þjálfaði United í tvö og hálft ár en hann var rekinn í desember í fyrra og stýrir í dag liði Tottenham.
Bohui neitaði að framlengja samning sinn við United og fór í staðinn til NEC Breda í Hollandi.
,,Þetta var erfitt því ég lenti í – ég ætla ekki að segja áreiti – en þjálfarinn kom ekki vel fram við mig,“ sagði Bohui.
,,Ég var orðinn pirraður á því hvernig hann kom fram: sum orð sem hann notaði voru óþarfi og ég nefndi það nokrum sinnum við félagið.“
,,Ég hafnaði tilboðum félagsins því ég trúði ekki að ég fengi tækifæri með aðalliðinu eftir hvernig var komið fram við mig. Þeir voru ekki að horfa á mig.“
