Ensk götublöð fullyrða að Erling Braut-Haaland sé í flugi á leið til Manchester, hann lendi í borginni klukkan 10:15 og muni funda með Manchester United. Félagið er eitt þeirra sem vill klófesta Haaland. Flug frá Stavanger lendir í Manchester innan tíðar.
Norskir miðlar segja að Jim Solbakken ásamt Mino Raiola, komi að félagaskiptum Haaland. Ekki er öruggt að hann fari til United en ljóst er að Haaland fer frá Salzburg. Solbakken og Raiola sáu um skipti Haaland frá Molde til Salzburg undir lok árs 2018.
Solbakken hefur unnið náið með Ole Gunnar Solskjær og er umboðsmaður hans, Solbakken er einnig umboðsmaður Birkis Bjarnasonar.
Solbakken hefur séð um mál Birkis um nokkurt skeið en hann hefur einnig nokkra öfluga norska leikmenn á sínum snærum.
Solbakken er mjög náinn vinur Solskjær og hefur hjálpað honum með sína samninga og einnig hjálpað honum að sækja leikmenn. Hann gæti verið lykilmaður í því að Haaland fari til United. Solbakken er einnig sagður mjög náinn Haaland feðgunum en Alf-Inge Haaland faðir Erling lék með Manchester City.
Landsliðið á 433 er í boði 
