Fótbolti.net segir frá því að umboðsmaður, Steven Lennon framherja FH hafi rætt við önnur félög. Lennon er sagður hafa áhuga á að fara frá FH.

Sagt er að umboðsmaður framherjans frá Skotlandi hafi rætt við Val, þar er Heimir Guðjónsson þjálfari. Heimir fékk Lennon til FH á sínum tíma.

Lennon hefur einnig verið orðaður við KR en þeir hafna því að Lennon sé á leið í Vesturbæinn. „Þetta hefur ekkert komið til umræðu hjá okkur eða á okkar borð, enda er þessi umræddi leikmaður samningsbundinn sínu félagi,“ sagði Kristinn Kjærnested, formaður KR við okkur í síðustu viku.

Lennon er einn af þeim sem hefur gagnrýnt FH opinberlega, fyrir að vera í vandræðum með launagreiðslur. Hann birti færslu á Instagram sem vakti athygli. Þar mátti sjá son hans, grafa í sandi og sagði framherjinn að drengurinn ungi, væri að leita að laununum sínum.

Fótbolti.net segir að það sé umboðsskrifstofan Deadline Day Sport sem sjái um mál Lennon.

Pepsi Max deildin á 433 er í boði