Teemu Pukki skoraði eina mark Norwich í dag sem spilaði við Leicester City í ensku úrvalsdeildinni.
Leikið var á King Power vellinum í Leicester en Pukki kom Norwich óvænt yfir í fyrri hálfleik.
Pukki skoraði markið á 26. mínútu en stuttu seinna þá meiddist hann á tá og þurfti aðstoð.
Nú hefur Daniel Farke, stjóri Norwich, staðfest það að Pukki hafi spilað seinni hálfleikinn tábrotinn.
Pukki neitaði að fara af velli í hálfleik en ljóst er að táin er ekki vel farin eftir þessar auka mínútur.
Það er ekki víst að Pukki geti spilað næsta leik Norwich.