Zinedine Zidane, stjóri Real Madrid, hefur fulla trú á sínum mönnum í 16-liða úrslitum Meistaradeildarinnar.
Real tókst ekki að vinna sinn riðil í riðlakeppninni og gæti mætt Liverpool sem vann sinn riðil.
Zidane þekkir það að mæta Liverpool en Real vann þá í úrslitaleik keppninnar árið 2018.
Liverpool er mögulegur andstæðingur Real í næstu umferð en Zidane hefur þó engar áhyggjur.
,,Ef við mætum Liverpool þá sláum við þá út! Við getum ekki stjórnað drættinum,“ sagði Zidane léttur.