Bakvörðurinn Magnus Egilsson mun gera samning við lið Vals í Pepsi Max-deild karla.
Fótbolti.net greinir frá þessu í kvöld en Magnus hefur undanfarið verið að æfa með þeim rauðklæddu.
Heimir Guðjónsson er tekinn við taumunum hjá Val en hann hefur undanfarin ár stýrt liði HB í einmitt Færeyjum.
Samkvæmt heimildum Fótbolta.net gerir Magnus tveggja ára samning en hann er öflugur varnarmaður.
Honum er ætlað að fylla skarð Bjarna Ólafs Eiríkssonar sem er genginn í raðir ÍBV.
