Graeme Souness, fyrrum leikmaður og stjóri Liverpool vonast til þess að enska úrvalsdeildin og leikmannasamtökin fari að vera með meiri fræðslu er varðar samkynhneigð. Souness segist hafa alist upp við fordóma gagnvart samkynhneigðum.

Souness var harður í horn að taka en hann segir að húmorinn á hans ferli hafi verið slíkur að þar hafi verið fordómar, gagnvart hommum.

,,Ég kem úr kynslóð í boltanum, sem hafði mikla fordóma gegn hommum. Þannig var húmorinn í klefanum,“ sagði Souness, en um helgina var enska úrvalsdeildina að styðja við réttindabaráttu samkynhneigðra.

,,Ég held að leikmannasamtökin og deildin verði að skoða sín mál, það verður að ræða það af hverju enginn leikmaður kemur út úr skápnum. Fótboltinn hefur ekki skapað samfélag til að taka slíkt skref, og líða vel með það.“

,,Það getur ekki annað verið en að það sé hommi eða tvíkynhneigður maður í ensku úrvalsdeildinni, það er einhver. Honum líður ekki nógu vel með það , til að stíga fram og segja frá því hvernig hann er.“

Enski boltinn á 433 er í boði