Scott McTominay, leikmaður Manchester United, segir að leikmenn liðsins elski Ole Gunnar Solskjær.
Solskjær er stjóri United eins og flestir vita en gengið hefur verið ansi brösugt á þessari leiktíð.
United vann þó sterkan 2-1 heimasigur á Tottenham um helgina sem gæti gert mikið fyrir liðið.
,,Ég tek ekki mikið mark á því sem er sagt á netinu eða í blöðunum eða einhverju slíku,“ sagði McTominay.
,,Augljóslega er það okkar starf sem leikmenn að gera okkar besta og vonandi stöndum við okkur því við elskum hann. Leikmannahópurinn elskar hann.“