Paris Saint-Germain reyndi að fá N’Golo Kante frá Chelsea í sumar en leikmaðurinn hefur sjálfur staðfest þessar fregnir.
Chelsea hafði ekki mikinn áhuga á að selja en það var aðallega Kante sem neitaði félaginu.
,,Stundum þá vitum við ekki nákvæmlega hvar við viljum vera. Við vitum þó af því sem við höfum,“ sagði Kante.
,,Ég vissi að ég væri í Chelsea og mér leið vel. Að fara ekki til PSG var meira íþróttaleg ákvörðun.“
,,Mér leið vel í London, í þessu verkefni og vildi glaður halda áfram.“
