fbpx
Föstudagur 25.september 2020
433Sport

Eiður Smári tók trylling og barði í borð: „Þeir áttuðu sig á því að ég væri ekki að grínast“

Hörður Snævar Jónsson
Fimmtudaginn 7. nóvember 2019 15:52

Ekki missa af Helstu tíðindum dagsins í pósthólfið þitt

Lesa nánar

Eiður Smári Guðjohnsen fer yfir víðan völl í FantasyGandalf, þar ræðir hann um tíma sinn hjá Stoke City árið 2010. Eiður gekk í raðir félagsins frá Monaco en upplifði martröð.

,,Það er kafli sem ég vill að sé helst strokaður út, ég spilaði nánast ekkert. Ég átti augnablik þar, þar sem ég hugsaði að ég yrði að fara,“ sagði Eiður þegar Hugi Halldórsson og Ingimar Helgi ræddu við hann.

Eiður segir frá því að hann hafi borgað fleiri milljónir til að losna frá félaginu.

,,Ég borgaði sjálfur pening til Stoke, til að fara. Það var ágætis upphæð, ég var búinn að ræða við Tony Pulis nokkrum sinnum. Það var leikur í deildarbikarnum sem ég bjóst við að spila, var á bekknum og hann sagði að ég kæmi inn í hálfleik. Ég kom ekkert inn á.“

Eiður var efins um að ganga í raðir Stoke en hann hafði áður spilað með Tottenham á láni, hann bjóst við að fara þangað.

,,Hann sannfærði mig að koma, eitt af því skemmtilega. Glugginn er að loka og ég fer á skrifstofu hans, ég hafði komið á láni frá Monaco til Tottenham tímabilið á undan. Síðasta samtal mitt við Harry Redknapp (Stjóra Tottenham þá) á þeim tíma var að við myndum sjást á undirbúningstímabilinu. Ég kveð Redknapp og alla þjálfara eins og við myndum hittast á undirbúningstímabilinu. Ég var mættur til Monaco og fékk varla að æfa með þeim á undirbúningstímabili, þetta var úrvalsdeildin, Stoke og Tony Pulis.“

Eiður sat á skrifstofu Stoke og var ekki viss, þjálfari liðsins þá reif í hann og sagði við hann að hann væri maðurinn sem vantaði.

,,Pabbi var með mér og ég segi „Er ég að fara í Stoke?“, hann sagði að ég vildi vera á Englandi. Við töluðum saman á íslensku en Tony Pulis stendur upp og rífur í mig, tekur mig nánast hálstaki. Tekur í kragann á mér, rífur mig til sín og spyr mig yfir hverju ég sé að efast. Að ég sé maðurinn sem hann vanti, það var eitt af fáum samtölum sem ég átti við hann,“ sagði Eiður sem fékk lítið að spila og var að tapa geðheilsunni.

,,Ég var að bilast í kringum jólin, ég sagðist ekki geta setið á bekknum. Hann sagði við mig að þetta væri ekki að virka. Ég spurði hvað væri ekki að virka? Ég hafði ekki byrjað einn leik.“

,,Ég tók trylling inn á skrifstofu og barði í borðið, ég ætlaði ekki spila einn leik. Ég ætlaði að vera meiddur út árið ef ég færi ekki, þeir áttuðu sig á því að ég væri ekki að grínast.“

Viðtalið er í heild hér að neðan.

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Botnlaus eyðsla – 153 milljarðar á nokkrum árum

Botnlaus eyðsla – 153 milljarðar á nokkrum árum
433Sport
Fyrir 9 klukkutímum

Óttast að Kári Árnason missi af landsleiknum mikilvæga

Óttast að Kári Árnason missi af landsleiknum mikilvæga
433Sport
Fyrir 21 klukkutímum

Liverpool skoraði sjö í deildarbikarnum

Liverpool skoraði sjö í deildarbikarnum
433Sport
Fyrir 22 klukkutímum

Raggi Sig spilaði í sigri í Evrópudeildinni

Raggi Sig spilaði í sigri í Evrópudeildinni
433Sport
Í gær

Jón Þór notaði myndir af Íslandsvinunum til að vara stelpurnar við

Jón Þór notaði myndir af Íslandsvinunum til að vara stelpurnar við
433Sport
Í gær

Samir óttaðist um öryggi sitt í Breiðholti á sunnudag – Þungar refsingar fyrir ofsalega framkomu

Samir óttaðist um öryggi sitt í Breiðholti á sunnudag – Þungar refsingar fyrir ofsalega framkomu