Það ætlaði allt að vera vitlaust í leik Chelsea og Ajax sem fór fram í Meistaradeildinni í kvöld.
Í stöðunni 2-4 fyrir Ajax þá fengu tveir leikmenn hollenska liðsins rautt spjald á sama tíma.
Daley Blind fékk sitt annað gula spjald fyrir tæklingu og Joel Veltman fékk sitt annað gula spjald fyrir hendi innan teigs.
Dómari leiksins fékk aðstoð frá VAR og rak báða leikmenn af velli og fékk Chelsea vítaspyrnu.
Chelsea kláraði leikinn með 11 menn gegn 9 og tókst að skora jöfnunarmark í 4-4 jafntefli.