Víðir Sigurðsson, yfirmaður íþróttadeildar Morgunblaðsins skrifar áhugaverðan pistil í blað dagsins. Víðir missti þrjá menn í gær þegar uppsagnir áttu sér stað hjá Morgunblaðinu, þrír af íþróttadeild blaðsins voru reknir.

Víðir hefur lengi verið í faginu en hann minnist þegar hann var rekinn í eina skiptið á sínum ferli.

,,Um þetta leyti árs fyr­ir 38 árum upp­lifði ég það í fyrsta og eina skiptið til þessa að vera sagt upp störf­um. Þá var ég ung­ur há­skóla­nemi og hafði verið íþróttaf­réttamaður á Dag­blaðinu í tæp­lega þrjá mánuði. Ég var í skól­an­um á morgn­ana og vann á blaðinu frá há­degi og fram á kvöld. Þegar ég sat í strætó á leið frá Há­skóla Íslands í Síðumúl­ann heyrði ég í há­deg­is­frétt­un­um að síðdeg­is­blöðin Dag­blaðið og Vís­ir hefðu verið sam­einuð um nótt­ina,“ skrifar Víðar.

Víðir vissi ekki hvað væri í gangi á vinnustað sínum þegar hann kom þangað. ,,Vegna skól­ans hafði ég misst af morg­un­has­arn­um þegar starfs­fólk blaðanna mætti grun­laust til vinnu og komst að því að annaðhvort var það komið til starfa á nýju blaði eða búið að missa vinn­una. Ég var í seinni hópn­um. Þetta var einn erfiðasti dag­ur lífs míns fram að þessu. En ég hélt áfram, var kom­inn í fullt starf á öðrum fjöl­miðli eft­ir fimm vik­ur og hef skrifað íþróttaf­rétt­ir viðstöðulaust síðan.“

Í gær voru þeir Guðmundur Hilmarsson, Ívar Benediktsson og Sindri Sverrisson reknir af íþróttadeild Morgunblaðsins, allir með mikla reynslu.

,,Gær­dag­ur­inn var lík­lega sá erfiðasti í starfi í 38 ár. Við á íþrótta­deild Árvak­urs sáum á bak þrem­ur af bestu íþróttaf­rétta­mönn­um lands­ins. Það er ekki aðeins þung­bært að sjá á eft­ir öfl­ug­um starfs­kröft­um, held­ur einnig sam­starfs­mönn­um og fé­lög­um í þrjá­tíu, tutt­ugu og tólf ár. Þeir hafa all­ir markað djúp spor í sögu ís­lenskr­ar íþróttaf­rétta­mennsku og fá von­andi tæki­færi til að halda því áfram ann­ars staðar.“