Jurgen Klopp, stjóri Liverpool segir möguleika á því að Mo Salah verði klár gegn Cyrstal Palace á morgun. Salah hefur verið að glíma við meiðsli í ökkla.
Meiðslin í ökkla hafa verið að hrjá Salah lengi og hann sleppti landsleikjum með Egyptalandi. Möguleiki er á að Salah verði hvíldur.
,,Hann æfði í gær, hann hefur æft þá hluti sem við höfum viljað að hann geri. Hann hefur ekki versnað, meiðslin eru þarna enn þá,“ sagði Klopp.
,,Við verðum að vera skynsamir, við sjáum eftir æfinguna í dag hvernig hann er og tökum ákvörðun.“
Salah hefur verið einn besti leikmaður Liverpool síðustu ár en liðið er á toppi ensku úrvalsdeildarinnar.
