,,Til að byrja með, með smá sorg í hjarta þá verð ég að ræða Pochettino,“ svona hófst fyrsti fréttamannafundur, Jose Mourinho stjóra Tottenham. Hann tók við starfinu í gær af Mauricio Pochettino sem var rekinn úr starfi.
Þeir eru góðir félagar en Pochettino var stjóri Tottenham í fimm og hálft ár. ,,Ég verð að óska honum til hamingju með gott starf hérna, ég hef tjáð öllum það hérna að þetta verður alltaf hans félag.“
,,Æfingasvæðið verður alltaf hans svæði. Hann má koma í heimsókn þegar hann vill. Dyrnar verða alltaf opnar fyrir hann, á morgun kemur nýr dagur og hann finnur gleðina aftur.“
,,Pochettino fær frábært starf aftur, hann á bjarta framtíð. Hann má alltaf koma í heimsókn hingað.“
Mourinho kveðst breyttur maður, eftir að hafa verið í ellefu mánuði án starfs. Hann var rekinn frá Manchester United. ,,Ég hef er nýr og endurbættur maður, ég hef undirbúið mig í ellefu mánuði. Þú tapar aldrei þínum gildum. Þú ert í grunninn, alltaf sami miaðurinn. Það góða og slæma, ég veit af mistökum mínum á ferlinum.“
,,Ég er auðmjúkur í dag, ég hef farið yfir feril minn. EKki bara síðustu ár, heldur vandamálin og lausnir við þeim. Ég á ekki að kenna neinum öðrum um en mér, er eitt af því sem ég hef lært.“