Lucas Vázquez, leikmaður Real Madrid verður ekki með næstu vikurnar eftir að hafa meiðst í lyftingasal félagsins.
Vázquez missti lóð á tána á sér, hún brotnaði. Talið er að Vázquez verði frá í sex vikur vegna þess.
Hann er 28 ára gamall og hefur nánast alla tíð verið í herbúðum Real Madrid. Hann hefur skorað eitt mark í níu leikjum á þessu tímabili.
Vázquez er snöggur og kröftugur kantmaður en Zinedine Zidane hefur spilað honum talsvert í meiðslum, Gareth Bale og Eden Hazard.
Bale hefur náð heilsu og Hazard er að finna taktinn, meiðsli Vázquez ættu því ekki að hafa mikil áhrif.
