Einar Þór Sigurðsson skrifar frá Istanbúl:
A landslið karla undirbýr sig nú af fullum krafti fyrir komandi leiki í undankeppni EM 2020 – gegn Tyrklandi í Istanbúl í dag og gegn Moldóvu í Chisinau á sunnudag. Liðið hefur æft síðustu daga við góðar aðstæður í Antalya í Tyrklandi og kom til Istanbúl í gær.
Staðan í riðlinum er þannig að Ísland þarf að vinna báða leikina sem eru framundan og treysta á hagstæð úrslit í öðrum leikjum til að ná öðru af tveimur efstu sætum riðilsins – sem gefa sæti í úrslitakeppninni næsta sumar. Takist það ekki á íslenska liðið enn möguleika á sæti í lokakeppninni í gegnum umspilsleiki í mars, en það skýrist þó ekki fyrr en að lokinni undankeppninni hvaða lið komast í umspil.
Íslenska liðið hefur átt góðu gengi að fagna gegn Tyrkjum í gegnum tíðina og oft náð góðum úrslitum.
Erik Hamren er vandi á höndum að velja byrjunarlið sitt en er þetta liðið sem hann stillir upp í kvöld?
Möguleiki er í stöðunni að Jón Daði Böðvarsson verði á kantinum og Alfreð Finnbogason í fremstu línu. Það kemur hins vegar í ljós síðar í dag, leikurinn hefst 17:00.