Íslenska karlalandsliðið í fótbolta hefur undirbúning sinn fyrir landsleikina gegn Tyrklandi og Moldóvu i dag. Leikmenn liðsins hafa komið til Antalya um helgina en von er á síðustu mönnum í dag.

Liðið æfir í Antalya í dag og á morgun og heldur svo til Istanbúl á miðvikudag, þar sem leikurinn fer fram.

Óskar Ófeigur Jónasson, blaðamaður á Vísi kom til Tyrklands í gær og það var vesen að komast inn í landið. Talið er að Tyrkir séu að hefna sín fyrir móttökurnar sem þeir fengu á Íslandi í sumar. Tyrkir voru vægast sagt reiðir þegar þeir komu til landsins, þeir fengu ekki neinn forgang í gegnum landamæraeftirlit. Tyrkir voru reiðir vegna þess, það fauk svo hressilega í Tyrki þegar þeir löbbuðu í gegnum Leifsstöð.

Þar var erlendur ferðamaður sem mætti með þvottabursta og reyndi að taka viðtöl við leikmenn Tyrkland. ,,Hefnd Tyrkja var því aðeins flóknari en bitnaði um leið á öllum Íslendingum á leiðinni til Antalya. Reglan sem var sett var að enginn Íslendingur færi auðveldlega í gegnum skoðun,“ skrifar Óskar Ófeigur á Vísir.

Leikmenn Tyrklands komu allir saman til Íslands en íslenska liðið kemur víðs vegar af úr heiminum, til að hefja æfingar. Óskar segist hafa heyrt af því að margir leikmenn Íslands, hafi verið í veseni með að komast inn í Tyrkland. ,,Samkvæmt heimildum úr íslenska hópnum þá gekk þetta nokkuð hratt fyrir sig hjá okkur miðað við hjá sumum í liðinu. Þeir lentu í því að bíða lengi eftir að fá grænt ljós hjá landamæravörðunum, biðu síðan lengi eftir töskunum og enduðu síðan á því að það var gerð mjög ítarleg leit í farangri þeirra.“