Liverpool fer í næsta mánuði til Katar þar sem félagið tekur þátt í Heimsmeistarakeppni félagsliða. Liverpool vann sér þáttökurétt þar með því að vinna Meistaradeildina.

Liverpool hefur síðan þá skipulagt ferðalag sitt til landsins en um er að ræða fyrstu heimsókn Liverpool, til Katar.

FIFA og UEFA sem skipuleggja mótið höfðu tekið frá hótel fyrir Liverpool. Liverpool bauðst að gista á Marsa Malaz Kempinski, sem er fimm stjörnu hótel á eyjunni, Pearl-Katar.

Þegar Liverpool fór að skoða hótelið, kom í ljós að starfsmenn við byggingu hótelsins unnu við óviðunandi aðstæður. Starfsmenn voru í raun í lífshættu við að byggja hótelið og fengu laun undir því sem löglegt er.

Þetta varð til þess að Liverpool hafnaði því að dvelja á þessu hóteli og fann sér annað. Liverpool er með regluverk sem félagið reynir að fara eftir í einu og öllu. Eitt af því er að styðja ekki við mannréttindabrot og hefur Liverpool fundið sér nýtt hótel í Katar. Þar á allt að hafi verið í lagi við byggingu hótelsins.