Marcus Rashford, Victor Lindelöf og Harry Maguire eru allir tæpir fyrir leik Manchester United gegn Bournemouth á morgun.

Þeir félagar glíma við meiðsli eftir sigur liðsins á Chelsea í deildarbikarnum á miðvikudag. Meiðslavandræði United eru talsverð og ljóst að liðið er í slæmri stöðu, ef þessir þrír koma sér ekki í gang.

Rashford skoraði bæði mörk liðsins í sigrinum á Chelsea og virðist vera að hitna.

,,Það er smá tími í leikinn, það er vonandi að við komum þeim út á völl á morgun,“ sagði Ole Gunnar Solskjær, stjóri liðsins.

,,Þeir voru í meðhöndlun í gær og fara aftur í meðhöndlun í dag. Ég get ekki sagt til um hvort þeir geti spilað.“

Fyrir eru Luke Shaw, Nemanja Matic, Paul Pogba og fleiri á meiðslalistanum.