Jadon Sancho, kantmaður Borussia Dortmund er einn eftirsóttasti bitinn á markaðnum og gæti farið næsta sumar.
Manchester United hefur mikinn áhuga, en Liverpool virðist ætla að berjast við United. Ef marka má Dietmar Hamann, fyrrum leikmaður Liverpool.
,,Það sem ég heyri, er að Liverpool hafi mikinn áhuga,“ sagði Hamann sem er frá Þýskalandi.
,,Ég ímynda mér að það gæti eitthvað gerst næsta sumar, að Liverpool verði það lið sem hefur mikinn áhuga.“
Sancho ólst upp hjá Manchester City en er stuðningsmaður Manchester United. ,,Hann er frá Manchester City, ég veit ekki hvort hann færi þangað aftur. Það er mikið rætt um Manchester United.“
Talið er að Dortmund muni krefjast í kringum 100 milljóna punda fyrir Sancho.
Enski boltinn á 433 er í boði 
