Liverpool vonast til þess að Mo Salah snúi aftur gegn Genk í Meistaradeildinni á miðvikudag, það er hins vegar óvíst.
Salah var ekki leikfær gegn Manchester United í ensku úrvalsdeildinni, þar gerðu liðin 1-1 jafntefli. Jurgen Klopp, stjóri Liverpool vonast til að fá Salah til baka.
,,Salah var ekki leikfær gegn United, hann gat ekki æft með liðinu,“ sagði Klopp.
,,Ég veit ekki af hverju fólk hélt að hann myndi spila, það var aldrei möguleiki.“
,,Kannski á hann séns á miðvikudaginn, við verðum bara að bíða og sjá.“ Salah er að glíma við meiðsli á ökkla.
