Zlatan Ibrahimovic, leikmaður LA Galaxy, hefur gefið í skyn að hann gæti verið á leið til Napoli.
Zlatan verður samningslaus í desember en hann er orðaður við endurkomu til Ítalíu.
,,Samningurinn minn rennur út í desember en ég hugsa ekki út í það. Ég mun fara yfir þetta með fjölskyldunni,“ sagði Zlatan.
,,Ég vil ekki semja við þá sem vilja mig því ég er Ibrahimovic. Ég er ekki dýr í dýragarðinum sem fólk fer að horfa á. Ég get enn gert mitt.“
,,Ég segi ekki að ég sé á leið til Napoli en lokaákvörðunin mun skiptast í nokkra hluta.“
,,Ef ég væri þarna þá yrði San Paolo fullur á hverjum sunnudegi. Svo er Carlo Ancelotti þarna sem er frábær stjóri.“
