Það eru ófáir efnilegir leikmenn á mála hjá Breiðabliki bæði í stráka og stelpu flokki.
Blikar birtu færslu á Facebook-síðu sína í kvöld þar sem fjallað er um þrjá leikmenn liðsins.
Þessir þrír strákar hafa verið á reynslu erlendir en um er að ræða Gísla Gotta Þórðarson, Kára Vilberg Atlason og Kristian Nökkva Hlynsson.
Kristian hefur heimsótt stórliðin Bayern Munchen og Ajax sem er frábær upplifun fyrir strákinn.
Af Facebook-síðu Blika:
Þrír ungir Blikar hafa verið í heimsóknum hjá erlendum liðum uppá síðkastið.
Gísli Gotti Þórðarson (15 ára) er nýlega kominn heim frá Noregi þar sem hann var við æfingar hjá Molde og stóð sig afar vel. Þetta var önnur ferðin hans hjá norska liðinu en honum var einnig boðið til æfinga þar í vor. Í maí á þessu ári var honum boðið á æfingar hjá Heerenveen í Hollandi.
Kári Vilberg Atlason (15 ára) fór til Nordsjælland á vormánuðum og æfði með U17 ára liði félagsins. Æft var við frábærar aðstæður á æfingasvæði félgagsins í fimm daga. Kári er vinstra megin á myndinni.
Kristian Nökkvi Hlynsson (15 ára) hefur einnig verið á faraldsfæti síðustu mánuði og heimsótt m.a. Ajax, Nordsjælland og Bayern Munich.