Cristiano Ronaldo hefur aldrei verið betri að mati umboðsmanns hans, Jorge Mendes.
Ronaldo skoraði sitt 700. mark á ferlinum á dögunum er hann skoraði með portúgalska landsliðinu gegn Úkraínu.
Ronaldo er orðinn 34 ára gamall en Mendes segir að fólk sé enn ekki búið að sjá það besta frá honum.
,,Hann er eins góður og hann hefur nokkurn tímann verið, það besta á eftir að koma í treyju Juventus,“ sagði Mendes.
,,Tölfræðin lýgur ekki og hvernig hann er að brjóta þessi met kemur honum í sögubækurnar sem besti leikmaður sögunnar.“