Roy Keane, fyrrum leikmaður Manchester United, lét enska landsliðið heyra það í gær.
England tapaði óvænt í undankeppni EM en Tékkland gerði sér lítið fyrir og vann 2-1 sigur.
Keane gagnrýndi ensku stjörnurnar og þá sérstaklega Danny Rose sem gerði mistök í sigurmarki Tékka.
,,Það var mikill pirringur á meðal leikmanna. Þeir litu ekki rétt út alveg frá byrjun,“ sagði Keane.
,,Það getur gerst í fótboltanum. Þú ferðast að heiman og það er erfitt. Þeir virkuðu þó ekki beittir.“
,,Þeir voru fimm mínútum frá jafntefli og það er enginn heimsendir. Það er eins og þeir hafi verið hrokafullir.“
,,Danny Rose var aldrei að fara að vinna þennan skallabolta, ég átti meiri möguleika en hann.“